Popular Bible Verses from Yesaia 65

Share

Na wɔnnya mfrɛeɛ no, mɛgye so; wɔda so rekasa no, mɛtie.

Na hwɛ, merebɔ ɔsoro foforɔ ne asase foforɔ, na wɔrenkae kane nnoɔma no na ɛremma adwene mu bio

Wɔrenyɛ adwumayɛhunu, na wɔrenwo mma mma mpatuwuo, ɛfiri sɛ wɔyɛ wɔn a AWURADE ahyira wɔn no asefoɔ, wɔne wɔn mma.

Wɔrensisi adan mma obi ntena mu, na wɔrennua mma obi nni, na me man nna bɛware ayɛ sɛ dua nna, na wɔn a mayi wɔn yi bɛdi wɔn nsa ano adwuma akyɛre.

Wɔrenhunu emu abotafowa a ne nna nware bio, anaa akɔkoraa a wanwie ne nna die; na abɔfra bɛdi mfirinhyia ɔha ansa na wawu, na ɔdebɔneyɛni a wadi mfeɛ ɔha no yɛ deɛ wadome no.

Pataku ne odwammaa bɛdidi faako, na gyata awe wira sɛ nantwie; na ɔwɔ deɛ, dɔteɛ na ɛbɛyɛ n’aduane; wɔrempira, na wɔrensɛe adeɛ bio, wɔ me bepɔ kronkron no nyinaa so, AWURADE na ɔseɛ.

Na mɛdi Yerusalem ho ahurisie, na me ho asɛpɛ me me man ho, na wɔrente esu ne nteateam wɔ mu bio.