Popular Bible Verses from Süleýmanyň pähimleri 3

Share

Öz düşünjäňe daýanma, bütin ýüregiň bilen Rebbe bil bagla. Bar işleriňde Ony tana, Ol seniň ýollaryňy dogrular.

Özüňi akylly saýma; Rebden gork, ýamandan çekil.

Rebbi bütin baýlygyň hem ilkinji hasylyň bilen hormatla. Şonda seniň ammaryň dolup-daşar, çelekleriň täze şerapdan joşar.

Sadyk söýgiňi terk etme. Bagla olary boýnuňa. Ýüregiň gatyna ýazyp goý.

Rebbiň terbiýesini terk etme, oglum. Onuň käýinjine gysynma. Çünki atanyň eý görýän ogluna temmi berşi ýaly, Reb hem söýenini terbiýeleýändir.

Oglum, unutma öwredenlerimi, buýruklarymy kalbyňda sakla. Çünki olar ömrüň ýyllaryny uzaldar, abadanlygyňy köpelder.

Danalyk tapan, düşünje gazanan adam bagtlydyr. Çünki onuň girdejisi kümüşden, peýdasy altyndan artykdyr. Danalyk jöwherden gymmat, hiç bir arzyly zat oňa taý gelmez.

Eliňden gelýärkä, mätäçlerden ýardamyňy aýama.

Reb danalyk bilen jahany bina etdi; düşünje bilen gökleri ýerleşdirdi.