Popular Bible Verses from Süleýmanyň pähimleri 11

Share

Sahy adamyň berekedi artar, suw berene suw berler.

Biri bar paýlaýandyr, baýlygy bolsa artýar. Biri bar – gaty gysyk, diňe mätäçlige gowuşýar.

Tekepbirlik gelse, masgaraçylyk gelýändir, akyldarlyk bolsa kiçigöwünliler bilendir.

Maslahatsyz millet heläk bolýandyr, maslahatçy köp bolan ýerde ýeňiş bar.

Dogrynyň miwesi ýaşaýyş daragtydyr, akyldar adam ynsanlary gazanýar.

Gybatkeş başganyň syryny paş edýändir, ynamdar göwün syrdaş bolýandyr.

Merhemetli özüne peýda getirýär, zalym bolsa özüne zyýan edýär.

Baýlygyna baýrynýan ýykylar, dogrular bolsa täze baldak ýaly öser.

Gazap gününde mal-mülk haýyr berýän däldir, dogruçyllyk bolsa ölümden gutarar.

Dogry adamyň dogruçyllygy oňa ýol görkezýändir, dönügiň hilegärligi bolsa ony heläk edýändir.

Salykatlylykdan ýüz öwren görmegeý aýalyň ýagdaýy doňzuň burnuna dakylan altyn ysyrga ýalydyr.

Rebbiň ýigreneni galp terezidir, dogry ölçegden bolsa göwni hoş bolýandyr.