Popular Bible Verses from Ачылта 21

Share

Олордыҥ кӧзинеҥ ончо јашты арчыыр. Ӧлӱм де, ачу-корон до, сыгыт та, јобол до база болбос, нениҥ учун дезе башкызы јӱре берген.

Ширееде Отурганы айткан: – Бат, ончозын јаҥы эдип јайап јадым! Оноҥ айткан: – Бичи, бу сӧстӧр чындык ла чын.

Теҥеридеҥ айткан тыҥ ӱнди угуп ийгем: – Бат, Кудайдыҥ чадыры улусла кожо, Ол олорло кожо јӱрер. Олор Оныҥ калыгы болор, Ол Бойы олордыҥ Кудайы болор.

Оноҥ меге: – Бӱтти! – деген. – Мен – Альфа ла Омега, Бажы ла Учы. Суузап турганга јӱрӱмниҥ суузынаҥ тегинге берерим.

Јеҥип турганы ончозын энчиленер. Мен ого Кудайы болорым, ол Меге уулым болор.

Коркынчактардыҥ, чындык эместердиҥ, быјарсыгандардыҥ, ӧлтӱреечилердиҥ, балыр кылынып јӱргендердиҥ, тармачылардыҥ, чалуга бажыраачылардыҥ ла ончо тӧгӱнчилердиҥ јери – отло, кӱкӱрле кӱйген кӧлдӧ. Бу – экинчи ӧлӱм.

Јаҥы теҥерини ле јаҥы јерди кӧрӱп ийгем. Башкы теҥери ле башкы јер кеде јӱре бергендер, талай да јок болгон.

Мен, Иоанн, теҥеридеги Кудайдаҥ тӱжӱп јаткан агару каланы, јаҥы Иерусалимди, кӧрӱп ийгем. Ол эш-нӧкӧрине болуп кееркединген сыргалјыдый белетелген.

Калага јарыдар кӱн де, ай да керек јок, оны Кудайдыҥ магы јарыткан, оныҥ јарыткыжы – Кураан. Аргадалган калыктар оныҥ јарыгында базып јӱрер, јердеги каандар ого бойыныҥ магын ла кӱндӱӱзин экелер.