Popular Bible Verses from Ачылта 13

Share

Мында ойгорлык керектӱ. Санаа бары аҥныҥ тоозын алзын, бу – кижиниҥ тоозы. Оныҥ тоозы 666.

Телекей јайалганнаҥ ала сойылган Кураандагы јӱрӱмниҥ тӱрбегинде аттары бичилбеген, јерде јуртаган ончо улус бу аҥга бажырар.

Ол ончозыныҥ, – кичӱлердиҥ ле улулардыҥ, байлардыҥ ла тӱреҥилердиҥ, јайымда јӱргендердиҥ ле кулдардыҥ – оҥ колдорына эмезе маҥдайларына таҥма тургустырып јат. Анайып, таҥма, эмезе аҥныҥ ады, эмезе оныҥ адыныҥ тоозы бар кижидеҥ башка кем де садып та албас, садып та болбос.

Олјого апарып јатканы, бойы олјого барар. Кылышла ӧлтӱрип јатканы, бойы кылыштаҥ ӧлӧр. Мында агарулардыҥ чыдузы ла бӱдӱмјизи керек.

Мен талайдыҥ кумагында тура бергем. Талайдаҥ чыгып јаткан он мӱӱстӱ ле јети башту аҥды кӧрӱп ийгем. Мӱӱстеринде – он кӱрее, баштарында – Кудайды јамандаган ат-јолдор бичилген.

Ого агаруларга удура јуулажып јеҥери берилген. Кандый ла ӱйени, калыкты, тилди ле укты башкарар јаҥ берилген.

Аҥныҥ алдында эдерге берилген кайкалдарла ол јерде јуртаган улусты тӧгӱндеп јат. Анайып, кылыштаҥ шыркалу, је тирӱ аҥныҥ сӱрин этсин деп, јерде јуртаган улуска айдып јат. Аҥныҥ сӱри айдар аргалу болзын деп, аҥныҥ сӱрине бажырбаган ончо улус ӧлтӱртсин деп, ого аҥныҥ сӱрине тын кийдирер јаҥ берилген.

Мен кӧрӱп ийген аҥ ирбиске тӱҥей болгон. Буттары – айуныйы, оозы – арсландыйы ошкош. Ого јелбеген бойыныҥ кӱчин, ширеезин ле улу јаҥ берген.

Улуркап, Кудайды јамандазын деп, аҥга оос берилген. Мыны тӧртӧн эки ай эдер јаҥ берилген.

Аҥныҥ баштарыныҥ бирӱзи јаан шыркалудый болгонын кӧрӱп ийгем. Је бу јаан шырка јазылып калган. Јерде јуртаган ончо улус алаҥ кайкап, аҥныҥ кийнинеҥ барган. Аҥга јаҥ берген учун јелбегенге бажыргандар.

Јердеҥ чыгып келген ӧскӧ аҥды кӧрӱп ийгем. Ол кураанныҥ мӱӱзи ошкош эки мӱӱстӱ болгон, јелбеген чилеп эрмектенген. Ол баштапкы аҥныҥ јаҥын оныҥ алдында бӱдӱрип, ончо јерди ле ондо јуртаган улусты јаан шырказы јазылган баштапкы аҥга бажыртат.