Popular Bible Verses from Ачылта 11

Share

Јетинчи ангел амыргылаган. Теҥериде мынайда айткан тыҥ ӱндер болгон: – Телекейдиҥ Каандыгы Кайраканыстыҥ ла Оныҥ Христозыныҥ Каандыгы боло берди. Ол ӱргӱлји чакка башкарар!

Калыктар чугулданган, Сениҥ де чугулыҥ келди. Ӧлгӧндӧрди јаргылаар, кулдарыҥды, јарлыкчыларыҥды, агаруларды, Сенеҥ айагандарды, кичӱлерди ле улуларды кайралдаар, јерди кырып тургандарды кырар ӧй келди.

Эки керечиме јаҥ берерим, олор кату тӱктеҥ эткен кийим кийип, Кудайдыҥ табын 1260 кӱн јарлаар.

Је ӱч јарым кӱнниҥ бажында јарлыкчыларга Кудайдаҥ јӱрӱмниҥ тыны кирип, экилези бутка турган. Олорды кӧргӧн улуска улу коркыш болгон.

Кудайдыҥ табын јарлаган кӱндерде јерге јаҥмыр јаабазын деп, олордо теҥерини бӧктӧӧр јаҥ бар. Анайда ок, кӱӱни тутса, сууларды кан эдип кубултар, кандый ла тӱбекле јерге согулта эдер јаҥы бар.

Бу керечилер – јердиҥ Кайраканы алдында турган эки май-агаш ла эки јарыткыш. Олорго кижи каршу јетирейин дезе, олордыҥ оосторынаҥ от чыгып, ӧштӱлерин јуда салар. Олорго кижи каршу јетирейин дезе, ол анайып ӧлтӱртер.