Popular Bible Verses from Филиппыдагыларга 4

Share

Не де керегинде санааркабагар, је јаантайын мӱргип ле сурап, алкыш айдып, Кудайдыҥ алдында керексигенеерди ачыгар.

Ол тушта Кудайдыҥ не ле сагыштаҥ бийик амыры јӱректеригерди ле сагыжыгарды Христос Иисустыҥ Бойында чеберлеер.

Адакыда, карындаштар, нези чын, нези ак-чек, нези чындык, нези ару, нези улуска јарап турган, нези баалу, нези мактаарга ла тоорго јарамыкту – ол керегинде сананыгар.

Меге кӱч берип турган Иисус Христостыҥ болужыла ончозын эдер аргам бар.

Кайраканныҥ Бойында јаантайын сӱӱнигер, база айдадым: сӱӱнигер!

Мениҥ Кудайым немедеҥ тутакту болгоныгарды Христос Иисус ажыра берер. Ол мыны Бойыныҥ мактулу байлыгынаҥ берер.

Менеҥ неге ӱренгенигер, нени алганыгар, нени укканыгар ла нени кӧргӧнигер, оны эдигер. Ол тушта амырдыҥ Кудайы слерле кожо болор.

Кӱӱнзек болгоныгарды ончо улус кӧрзин. Кайракан јуук.

немеге јединбей де, јеткилдӱ де јӱрерге билерим. Мен ончозы ажыра ӧткӧм дӧ, ончозына белен де: тойорго ло торолоорго, јеткилдӱ де, јединбей де јӱрерге.

Керексинип јӱргеним учун мыны айдып турган эмезим. Мен бойымда барыла болорзынарга ӱренип алгам