Popular Bible Verses from Иаковтыҥ самаразы 4

Share

Анайдарда, Кудайга багыгар. Кӧрмӧскӧ удура турыгар, ол слердеҥ кача берер.

Кудайга јууктагар, Ол слерге јууктаар. Колдорыгарды јуныгар, кинчектӱлер, јӱректеригерди арутагар, экиленген санаалу улус.

Кайракан алдында јобожыгар, Ол слерди кӧдӱрер.

Је Кудай оноҥ кӧп јакшылык берет, оныҥ да учун айдылган: «Кудай бийиркектерге удурлажат, јобожыгандарга јакшылык берет».

Анайдарда, јакшыны эдерин билип, оны этпей турган кижи кинчек эдет.

Сурап турганыгарда, албайдыгар, нениҥ учун дезе јакшыга эмес, соот-јыргалда кородорго болуп сурайдыгар.

Чайдам јӱрӱмдӱлер! Телекейде бар немелерге тартылганы – ол Кудайга удура ӧштӧжӱ деп билбейдигер бе? Анайдарда, телекейде бар немелерге тартылар кӱӱндӱ кижи Кудайга ӧштӱ боло берет.

Слер керек дезе эртен не болорын билбей јадыгар, нениҥ учун дезе слердиҥ јӱрӱмигер – ол суудаҥ кӧдӱрилеле, јоголып калар буу.