Popular Bible Verses from Ефестегилерге 5

Share

Анайдарда, сӱӱген балдар чылап, Кудайга тӱҥейлежип, сӱӱште јӱригер. Анайып Христос то бисти сӱӱп, јараш јытту берӱ чилеп, Кудайга јараар тайылга чылап, бис учун Бойын берген.

Анайдарда, эдип јӱргенигерди ајарыгар! Санаа-укаазы јок улус чылап эмес, керсӱ улус чылап эдип јӱригер. Ӧйди баалагар, нениҥ учун дезе кӱндер јаманды экелип јат.

Ичинбегер, мынызы слерди јайрадып јат. Оныҥ ордына Тыннаҥ толтырыныгар. Кожо сарындар, мак јаҥарлар, тыннаҥ берилген јаҥарлар айдыгар. Јаҥарлап, Кайраканды бастыра јӱрегердеҥ мактагар. Иисус Христос Кайраканыстыҥ адында ончозы учун Ада Кудайга јаантайын алкыш јетиригер.

Оныҥ учун санаа-укаа јок болбогор, је Кайраканныҥ кӱӱни незинде болгонын оҥдоп алыгар.

Эрлер, Христос Серкпени сӱӱгени чилеп, слер де ӱйлеригерди сӱӱгер. Оны Кудайдыҥ сӧзиле јунуп, арутап, Ого учурлайын деп, Ол Серкпе учун Бойын берген.

Слер качан да караҥуй болгон эдигер, эмди слер – Кайраканныҥ Бойындагы јарык. Андый болгондо, јарыктыҥ балдары чылап јӱригер.

Кудайдаҥ айап, бой-бойыгарга багып јӱригер.

Ӱй улус, ӧбӧӧндӧрӧӧргӧ Кайраканга чылап багыгар.

Анайып кажыгар ла бойын бойы чылап, ӱйин сӱӱзин. Ӱйи дезе ӧбӧгӧнин тооп јӱрзин.

Бат оныҥ учун кижи адазын ла энезин артырып, ӱйине јапшынар. Экӱ бир эт-кан боло берер.

Карачкыныҥ нени де туубас керектеринде турушпагар. Карын, олорды иле эдигер.