Popular Bible Verses from 2 Коринфтегилерге 4

Share

Кӧрӱнип турганына эмес, је кӧрӱнбей турганына кӧрӧдис, нениҥ учун дезе кӧрӱнип турганы – удурум, кӧрӱнбей турганы – ӱргӱлји.

Оныҥ учун чӧкӧбӧйдис. Тыш бойыбыс чирип те турган болзо, ич бойыбыс кӱнӱҥ сайын јаҥырат. Кыска ӧйгӧ јеҥил кыйыныбыс биске кеми јок, артыкташкан ла мӧҥкӱлик мак экелет.

Бисти ончо јанынаҥ кыстайдылар, је бис кыстатпайдыс. Бис кӱч айалгаларда јӱрӱп јадыбыс, је чӧкӧбӧйдис. Бисти истейдилер, је Кудай бисти артырбай јат. Бисти јыга согодылар, је бис ӧлбӧйдис.

Је бис јӱк андый эрјине чеберлелип турган той балкаш јыракылар эдибис. Оныҥ учун бу артыкташкан кӱч бистийи эмес, Кудайдыйы болгоны јарт.

Олорго Сӱӱнчилӱ Јардыҥ јарыгы јаркындалбазын деп, олор Христостыҥ магын кӧрбӧзин деп, бу чактыҥ «кудайы» бӱтпестердиҥ сагыжын сокорткон. Христос дезе кӧрӱнбес Кудайдыҥ сӱр-кебери.

«Караҥуйдаҥ јарык јаркындалзын» деп айткан Кудай јӱректеристи јарыдып, биске Христос ачкан Кудайдыҥ магын билип алар јарык берген.