Popular Bible Verses from 2 Коринфтегилерге 1

Share

Кудайга, Иисус Христос Кайраканыстыҥ Адазына, баш болзын! Ол буурзак Ада, кандый ла коот береечи Кудай. Ол бисти ончо уур-кӱчтеристе кооттоп јат. Анайып бис те, уур-кӱчтерде јӱрген улусты Ол бисти кооттоп турган коотло кооттоор аргабыс бар.

Христоско болуп кыйындарыс кӧптӧйт, анайып ла Христос ажыра биске берилген коот кӧптӧйт.

Је бис ӧлӧр учурлу деп, бойыбыста бойыс сананганыс. Бойыбыска бойыс иженбезин, ӧлгӧн улусты тиргизеечи Кудайга ижензин деп, мынайда болгоны бу.

Кудай Бойы дезе бисти слерле кожо Христостыҥ Бойында тыҥыдып, майлап јат. Ол бисти таҥмалап койгон, берер болгонын аларыска бӱдӱмјилӱ болзын деп, јӱректериске Тын берген.

Кыйналып јӱрген болзобыс, слерди коот алзын ла аргадалзын деп кыйналадыс. Коот алып турган болзобыс, слердиҥ коодыгарга болуп алып јадыбыс. Бу коотты, бис ӧдӱп турган кыйындарды чыдажып ӧдӱп турганыгарда, алып јадыгар.