Popular Bible Verses from DIANE 15

Share

Karabo e e bonolo e tima bogale, mme lefoko le le kgopisang le a galefisa.

Go boifa MORENA ke yona thuto ya botlhale; boikokobetso bo etelela tlotlego pele.

Bonolo jwa loleme ke setlhare sa bophelo; mme bolotsana jwa lone bo phatlola pelo.

Maikaelelo a a pala, fa go se na kgakololano; fa bagakolodi ba le bantsi, a tla dirafala.

Pelo e e thabileng e ntlafatsa sefatlhego, mme mowa o imelwa ke botlhoko jwa pelo.

Matlho a MORENA a mo mafelong aotlhe, a tlhola ba ba bosula le ba ba molemo.

Bobotlana jo bo nang le poifo-Modimo bo phala khumo e kgolo e e nang le letswalo.

Monna yo o bogale o tsosa ntwa, mme yo o pelotelele o fedisa kgang.

Pelo ya mosiami e akanya dikarabo, mme melomo ya baikepi e bilola tse di bosula.