Popular Bible Verses from DIANE 13

Share

Kopana le matlhale gore o tlhalefe; mme yo o tlwaelanang le masilo o tla nna bosula.

Yo o disang molomo wa gagwe o ipolokela bophelo; mmalabadi o tla wela theregong.

Yo o rekegelang thupa o tlhoile morwawe; yo o mo ratang o a tle a mo otle.

Tsholofelo e e diegang e lwatsa pelo, mme keletso e e dirafetseng ke setlhare sa bophelo.

Tshiamo e boloka wa tsamao e e molemo, mme boleo bo diga baikepi.

Leruo le le bonwang ka boithamako le tla ngotlega, mme yo o le kgobokanyang ka tiro ya diatla o tla le ntsifatsa.

Ka boikgodiso go tsosiwa kgang fela, mme ba ba amogelang kgakololo ba botlhale.

Yo o molemo o tlogelela bana ba bana boswa, mme dithoto tsa moleofi di bolokelwa mosiami.

Ngwana yo o botlhale o laiwa ke rraagwe, mme mosotli ga a rate kgalemelo.

Khumanego le nyatsego ke tsa yo o nyatsang thuto, mme yo o tlhokomelang kgalemelo o tla tlotlega.