Popular Bible Verses from DIANE 11

Share

Yo o ratang go tshegofatsa ba bangwe o tla lapolosiwa ka esi; yo o nosang ba bangwe le ene o tla nosiwa.

Go na le ba ba abelang ba bangwe thata, mme ba okelediwa leruo; go ba ba bolokang tsa bone go feta tshwanelo, mme ba ya lehumeng.

Boikgantsho bo bapile le ditlhong, mme botlhale bo mo go ba ba ikokobetsang.

Mo go se nang bogogi jo bo siameng morafe o a latlhega, mme o thusega, fa go le bagakolodi ba bantsi.

Leungo la mosiami ke setlhare sa bophelo yo o kgonang mewa ya batho o botlhale.

Yo o senyang ba bangwe leina o bolela tsa sephiri, mme yo o mowa o ikanyegang o a di loba.

Yo o lorato o itirela molemo ka esi; yo o setlhogo o itshenyetsa ka esi.

Yo o ikanyang khumo ya gagwe o tla tlhotlhorega, mme basiami ba tla tlhoga jaaka matlhare.

Di-tsa-motho ga di thuse ka letsatsi la bogale, mme tshiamo e golola mo losong.

Poifo-Modimo ya batho ba nnete e ba etelela pele, mme bolotsana jwa ba ba se nang boikanyo bo tla ba isa tatlhegong.

Mosadi yo montle yo o se nang maitseo o tshwana le lenyena la gouta mo nkong ya kolobe.

Selekanyetso sa go tsietsa ke maila mo MORENENG; mme seelo se se lekanyeng se a mo kgatlha.