Popular Bible Verses from NEHEMIA 9

Share

Mme bone borraetsho ba ikgogomosa, ba gagamatsa dithamo, ba se ka ba utlwa ditaolo tsa gago; ba gana go utlwa, ba se ka ba gopola dikgakgamatso tsa gago tse o di ba diretseng, mme ba gagamatsa dithamo, ba ipatlela moeteledipele go boela kwa Egepeto kwa botlhankeng jwa bone ka borukhutlhi jwa bone, mme wena o Modimo wa maitshwarelo, o bopelotlhomogi o boutlwelo-botlhoko, o pelotelele, o mogolo loratong, wa se ka wa ba tlogela

Esera a rapela a re: “Ke wena MORENA o le wesi; ke wena o dirileng legodimo, legodimo la magodimo le lesomo lotlhe la lone le lefatshe le tsotlhe tse di mo go lone le mawatle le tsotlhe tse di mo go ona; ke wena o di phedisang tsotlhe, mme lesomo la legodimo le a go obamela.

Mme wena, ka o le mautlwelo-botlhoko a magolo, wa se ka wa ba tlogela kwa sekakeng; pinagare ya leru ya go ba goga mo tseleng e sa tloge mo go bone motshegare le e seng ya molelo bosigo ya go ba sedimosetsa tsela e ba tsamayang mo go yona. Wa ba naya Mowa o o molemo wa gago go ba ruta, wa se ka wa tima melomo ya bone Mmana wa gago, wa ba naya metsi go tima lenyora la bone. Wa ba babalela kwa sekakeng dinyaga di le 40, mme ba se ka ba tlhoka sepe; diaparo tsa bone tsa se ka tsa onala, le dinao tsa bone tsa se ka tsa ruruga.