Popular Bible Verses from JOŠUA 1

Kana ke go laetse ka re: Tia o nne pelokgale! Ka moo se rerege, o se kgobege marapo. Gonne MORENA, Modimo wa gago, o na nao gongwe le gongwe kwa o tla yang teng.”

A lokwalo lo lwa molao lo se tloge mo molomong wa gago, o lo akanye bosigo le motshegare gore o ele tlhoko go dira tsotlhe ka fa di kwadilweng ka teng mo go lone; gonne foo o tla tlhogonolofala mo ditseleng tsa gago; foo o tla tswelela pele sentle.

Fela o tie, o nne pelokgale thata go ela tlhoko gore o dire ka fa molaong otlhe o Moše, motlhanka wa me, a o go laetseng. Se o fapoge mo ntlheng ya le le jang le e seng mo go ya la molema gore tiro ya gago e tswelele pele sentle gongwe le gongwe kwa o tla yang teng.

Ga go na ope yo o tla kgonang go emelana nao ka malatsi otlhe a bophelo jwa gago. Ke tla nna nao jaaka ke ne ke na le Moše. Ga nkitla ke go nyemisa moko le e seng go go tlogela.

Tia o nne pelokgale; gonne lefatshe le ke le ikanetseng borraabo go le ba naya, wena o tla le abela morafe o go nna boswa jwa ona.

Felo gongwe le gongwe kwa dipato tsa dinao tsa lona di tla gatang teng ke go lo neile jaaka ke boleletse Moše.

“Moše, motlhanka wa me o sule. Jaanong tloga o tshele noka e ya Joretane wena le morafe otlhe o, lo tsene mo lefatsheng le ke le nayang bone Baiseraele.

Morago ga loso lwa ga Moše, motlhanka wa MORENA, MORENA a raya Jošua morwa Nune, modiredi wa ga Moše, a re

Go tloga kwa sekakeng le kwa Lebanone go ya go fitlha kwa nokeng e kgolo, e bong ya Ferathe – lefatshe lotlhe la Bahethe – le go fitlha kwa lewatleng le legolo le le kwa bophirimatsatsi, e tla nna naga ya lona.

Mongwe le mongwe yo o ganetsang se o se bolelang, a sa utlwe mafoko a gago mo go tsotlhe tse o di re laelang, a a bolawe! Fela tia, o nne pelokgale.”

“Ralalang bothibelelo, lo laele morafe lo re: ‘Ipaakanyetseng mefago, gonne lo tla tshela Joretane yo morago ga malatsi a le mararo gore lo tsene lo thope lefatshe le MORENA, Modimo wa lona, o le lo nayang gore e nne la lona.’ ”