Popular Bible Verses from JOBE 1

Share

Ya ba gona Jobe a nanogang, a ikgagola diaparo, a ipeola tlhogo, a ba a wela fa fatshe, a rapela a khubame a re: “Ke dule mo mmeleng wa ga mme ke sa ikatega; ke tla be ke boela teng ke sa ikatega. MORENA o ne a nneile, MORENA o bile o tsere. A leina la MORENA le bakwe!” Mo go tsotlhe tseo Jobe a se ka a leofela Modimo le e seng go dira sepe se se bosula.

Go ne go le monna mo lefatsheng la Use, leina la gagwe e le Jobe. Monna yoo o ne a siame, a se na molato, a boifa Modimo, a tshaba bosula.

MORENA a ba a botsa Satane a re: “Jobe motlhanka wa me, a ò etse tlhoko? Gonne ga go na monna ope yo o tshwanang nae mo lefatsheng. O siame, ga a na molato, o boifa Modimo, o tshaba bosula.”

Ke fa MORENA a raya Satane a re: “Go siame, tsotlhe tse a nang natso di mo diatleng tsa gago. Fela ene ka esi o se ka wa mo ntshetsa letsogo.” Satane a ba a tloga fa pele ga MORENA.