Popular Bible Verses from JEREMIA 8

Share

A ga go na molemo mo Gileate? Gongwe a ga go na ngaka teng? Ke ka ntlhaang, fa morwadia morafe wa me a ise a fole?

“Le gona o ba ree o re: ‘MORENA o bua jaana a re: A motho o a tle a we, a sa tsoge gape? A o a tle a fapoge, a sa boe gape?

Le lekololwana le le fofang mo loaping le itse metlha ya lone, le leeba le peolwane le mogolori di tlhokomela sebaka sa go boa ga tsona. Mme ba morafe wa me ga ba itse molao wa MORENA.

Ke ne ka utlwelela, ka utlwa gore ba bua tse di sa siamang; ga go na ope yo o ikwatlhaelang bosula jwa gagwe a re: Kana ke dirileng? Ba sianela pele ba ntse ba ikepile jaaka pitse e sianela mo tlhabanong.

Batlhalefi ba tla tlhajwa ke ditlhong, ba tseana, ba tshwarega; gonne ba latlhile Lefoko la MORENA. Jaanong ba na le botlhale bofe?