Popular Bible Verses from JESAYA 43

Share

Bonang, ke tla dira tse dintšhwa. Di setse di simologile. A ga lo di lemoge? Ee, ke tla dira tsela mo sekakeng le dinoka mo nageng e e omeletseng.

Fa o tshela metsi, ke na nao; le dinoka, ga di na go go tsaya. Fa o ralala molelo, ga o nke o šwa; kgabo ga e nke e go fisa.

“Se gakologelweng ditirafalo tsa bogologolo! Se tlhokomeleng tse di neng di dirafala kgale!

Mme jaanong MORENA yo o go tlhodileng, Jakobe, yo o go bopileng, Iseraele, o bua jaana a re: “Se boife, gonne ke go golotse, ke go biditse ka leina la gago! O wa me.

E re ka o kaega segolo mo matlhong a me, o le yo o tlotlegang, yo ke go ratang, ka moo ke tla ntsha batho boemong jwa gago le merafe boemong jwa bophelo jwa gago.

Gonne nna MORENA ke Modimo wa gago; nna Moitshepi wa Iseraele ke mopholosi wa gago. Ke dirile Egepeto serekololo sa gago, ka ntsha Ethiopia le Seba boemong jwa gago.

Se boife, gonne ke na nao. “Ke tla tlisa losika lwa gago go tswa kwa botlhabatsatsi; ke go phutha go tswa kwa bophirimatsatsi.

Ke nna, ke nna yo ke phimolang dibe tsa gago; ke ka ntlha ya me, fa ke sa tsotelele maleo a gago.

MORENA o bua a re: “Lona lo basupi ba me, le motlhanka wa me, yo ke mo itlhaoletseng, gore lo itse, lo ntumele, lo lemoge, fa e le nna. Ga go a bopiwa modimo ope pele ga me; le gona ga go nke go nna ope morago ga me.

“Ke nna, ke nna MORENA! Ga go na mopholosi ope kwa ntle ga me.

Le go tswa fano e tla bo e le nna, go se na ope yo o ka pholosang mo seatleng sa me. Ke tla dira tiro – e ka thibelwa ke mang?”

Diphedi tsa naga di tla ntlotla le diphokojwe le bontšhwe; gonne ke tla ntsha metsi mo sekakeng le dinoka mo nageng e e omeletseng go nosa morafe wa me o ke o itlhaoletseng; e leng morafe o ke o ipopetseng gore ba bolele pako ya me.

Ke tla raya bokone ke re: ‘Rebola!’ le borwa ke re: ‘Se thibele!’ Tlisa bomorwaake go tswa kgakala le bomorwadiake go tswa bokhutlong jwa lefatshe, e bong mongwe le mongwe yo o bidiwang ka leina la me, yo ke mo tlholetseng go nkgalaletsa; ka mmopa, ee, ka mo dira.

Go bua jaana MORENA yo o neng a ntsha tsela mo lewatleng le mmila mo metsing a magolo; yo o neng a bolotsa dikoloi tsa ntwa le dipitse le lesomo la batlhabani le diganka – ba namaletse fa fatshe botlhe, ga ba nke ba tlhola ba tsoga; ba fedile, ba timile jaaka mogala wa lobone – a re

Ke nna MORENA, Moitshepi wa lona, yo o tlhodileng Iseraele, ke Kgosi ya lona.”