Popular Bible Verses from JESAYA 33

Share

Go tla nna tlhomamo ya metlha ya gago, e leng khumo ya pholoso e e tletseng le botlhale le kitso. Go boifa MORENA ke lehumo la teng.

MORENA, re tlhomogele pelo! Re go letile. O nne letsogo la rona mo mesong yotlhe. Ee, o nne thuso ya rona mo sebakeng sa tlalelo.

Gonne MORENA ke moatlhodi wa rona; MORENA ke molaodi wa rona; MORENA ke kgosi ya rona. Ke ene yo o tla re pholosang.

Yo o dirang ka tshiamo a bua nnete; yo o nyatsang khumo ya kgatelelo a tlhotlhora diatla gore di se ka tsa amogela thelesetso; yo o ithibang ditsebe gore a se ka a utlwa melato ya go tsholola madi; yo o budulatsang matlho gore a se ka a bona bosula, a kgatlhega. Ke ene yo o tla agang mo mafelong a a godimo. Dikago tsa phemelo tsa mafika ke botshabelo jwa gagwe. Ke ene yo o fiwang dijo tsa gagwe. Metsi a gagwe ga a kgale.