Popular Bible Verses from EKESODU 9

Share

Mme se ke go boloketseng bophelo ka ntlha ya sona ke go re, ke go bontshe thata ya me gore ba tumise leina la me mo lefatsheng lotlhe.

Ke fa MORENA a raya Moše a re: “Yaa kwa go Farao, o mo ree o re: ‘MORENA Modimo wa Bahebere o bua jaana a re: Lesa morafe wa me, o ye go ntirela!

Gonne nka bo ke ntshitse letsogo, ka go bolaya le morafe wa gago ka leroborobo, mo o ka bong o fedisitswe mo lefatsheng.

foo letsogo la MORENA le tla itaya diruiwa tsa gago tse di mo nageng, e bong dipitse le diesele le dikammele le dikgomo le dinku ka leroborobo le le setlhogo. Mme MORENA o tla farologanya diruiwa tsa Baiseraele le tsa Baegepeto: Ga go kitla go swa sepe sa dilo tsa Baiseraele.

Bona, kamoso go le kana ke tla nesa sefako se se boitshegang thata, se go iseng go ke go ne se se tshwanang naso mo Egepeto go tloga tshimologong ya Egepeto go fitlhelela kajeno. Jaanong he, roma o femele diruiwa tsa gago le tsotlhe tse e leng tsa gago tse di kwa nageng; gonne batho botlhe le diruiwa tse di fitlhelwang kwa nageng, di sa tshabela kwa matlong, di tla bolawa ke sefako, di swa.’ ”

Mosidi oo o tla fetoga lerole le le boleta godimo ga lefatshe lotlhe la Egepeto; go tla tswa diso tse di rurugang, di direge ditlhagala tse di phunyegang mo bathong le mo diruiweng mo lefatsheng lotlhe la Egepeto.” Ba tsaya mosidi wa leiso, ba ema fa pele ga Farao, mme Moše a o gasetsa kwa godimo; ga tswa diso tse di rurugang, tsa direga ditlhagala tse di phunyegang mo bathong le mo diruiweng.