Popular Bible Verses from EKESODU 2

Share

Modimo wa utlwa diphegelo tsa bone, wa gopola kgolagano ya ona e o e dirileng le Aborahame le Isaka le Jakobe. Modimo wa bona Baiseraele, wa ba itshenolela.

Jaanong ya re sebaka se seleele se sena go feta, kgosi ya Egepeto ya swa, mme Baiseraele ba fegelwa ka ntlha ya botlhanka, ba lelela thuso; mme selelo sa bone sa tlhatlogela kwa Modimong se tswa mo botlhankeng jwa bone.

Ya re ngwana a sena go gola, a mo isa kwa go morwadia Farao, a nna morwawe, mme a mo taya leina la Moše a re: “Kana ke mo ntshitse mo metsing!”

Mme morwadia Farao a mo laela a re: “Tsaya mosimanyana yo, o mo nkamusetse; ke tla go naya tuelo.” Mosadi a tsaya ngwana yo, a mo amusa.

Ke fa morwadia Farao a fologela kwa nokeng ya Nile go tlhapa, basetsana ba gagwe ba ntse ba tsamaya fa losing lwa noka ya Nile. Jaanong ya re a bona seroto seo mo motlhakeng, a roma lelata la gagwe, la ya la se tsaya.

Jaanong ya re Moše a sena go nna monna, a ya kwa go ba ga gabo, a bona ditiro tse di bokete tsa bone; a bona monna wa Moegepeto a itaya monna wa ga gabo wa Mohebere. A gadima kwa le kwa, mme ya re a bona go se na ope, a bolaya Moegepeto, a mo epela mo motlhabeng.