Popular Bible Verses from Roma 8

Share

Kua kite oki tatou e te akatupu nei te au mea ravarai i te meitaki no te aronga i anoano i te Atua, no te aronga i karangaia mai i te akakoroanga nana ra.

Kua kite tikai oki au e, kare te mate, kare oki te ora, kare oki te au angela, kare oki te ui ariki, kare oki te au mea mana, kare oki te au mea e vai nei, kare oki te au mea e ka tupu a muri atu, Kare oki te teitei, kare oki te akaaka, e kare katoa te au mea i angaia nei, e tika kia akataka ke ia tatou i te aroa o te Atua i roto i to tatou Atu ia Iesu Mesia ra.

Te tauturu katoa mai nei oki te Vaerua i to tatou apikepike: kare oki tatou i kite meitaki i te mea e tau kia pure tatou: na te Vaerua uaorai e pati i ta tatou ma te ngunguru e kore e tika kia tuatua ra.

Ka akapeea oki tatou i teia au tuatua? No tatou te Atua ra, ka tika iaai kia māro mai?

KARE rava atura e akaapa i teianei i te aronga i roto ia Iesu Mesia, ko tei aru i ta te Vaerua ra, kare i ta te kopapa.

Ko te akono oki i ta te kopapa nei, ko te mate ïa; kareka ko te akono i ta te Vaerua ra, ko te ora ïa e te au.

Kare, ka riro ra te re i taua au mea katoa nei ia tatou i tei aroa mai ia tatou nei.

Te karanga nei oki au e, kare teianei au mate ravarai e tau kia arite atu i te kakā e akakiteia mai ia tatou nei.

Na te aa tatou e akataka ke atu i te aroa o te Mesia ra? Na te maki aina? e na te tumatetenga aina? e na te takinga-kino aina? e na te pongi aina? e na te apinga kore aina? e na te pini aina? e na te koke aina?

Kua kite ra aia, ko tei kimi matatio i te ngakau ra, i to te Vaerua anoano, ko tei pati i ta te aronga tapu ra, i tei tau i to te Atua ra anoano.

Ko te aronga katoa oki i aratakiia e te Vaerua o te Atua ra, e tamariki anake ïa ratou na te Atua.

Te aronga oki i tau i ta te kopapa nei, te akono ra i ta te kopapa; kareka te aronga i tau i ta te Vaerua ra, te akono ra ia i ta te Vaerua.

Ko tei kore oki akaperepere i tana uaorai Tamaiti, ko tei tuku ua mai iaia no tatou katoa nei, eaa oki aia e kore ei e oronga katoa mai i te au mea ravarai no tatou?

Ko te Vaerua uaorai oki, e to tatou katoa nei oki vaerua, tei akakite ïa e, e tamariki tatou na te Atua: E e tamariki ra, e aronga tuanga ïa; e aronga tuanga i te Atua ra, e aronga tuanga tatou e te Mesia; te mate kapipiti nei oki tatou ma ia katoa, kia akakakā kapipitiia ma ia katoa oki.

No te mea, ko taua anoano o te kopapa nei, e mea tau kore ïa i te Atua; kare oki te reira e kauraro i te ture a te Atua, kare oki e tika kia pera.

Te anoano maata o te au mea angaia nei ma te arōrō, te tatari nei ïa i te akakite angaia mai i te tamariki a te Atua

Kua kite oki tatou e, te ngunguru anake nei te au mea katoa i angaia mei te mamae anau ra e tae rava akenei i teianei rā.