Popular Bible Verses from Roma 6

Share

E utunga te mate no te ara; kareka te ora mutu kore ra, e mea oronga uaia mai e te Atua i roto i to tatou Atu ia Iesu Mesia.

Kare oki te kino e autu ki runga ia kotou, kare oki kotou i raro ake i te ture, tei raro akera kotou i te aroa ua.

E teianei kua tanumia tatou ma ia katoa, i te bapetizoanga i roto i tona mate; mei te Mesia i akatuia e te mana o te Metua mei te mate maira, kia pera katoa tatou i te aaere anga i te ora ou.

Auraka e orongaia to kotou kopapa ei taoonga-tamaki na te kino i te tuatua-tika kore ra; ka oronga ra ia kotou uaorai i te Atua, e to kotou kopapa ei taoonga-tamaki na te Atua i te tuatua-tika ra, mei te aronga i mate ana, e kua ora.

Kua kite oki e, kua akasatauroia to tatou tangata taito ma ia katoa oki, kia paruparu te kopapa o te kino, kia kore tatou e tavini akaou i te kino nei.

E manako katoa oki kotou ia kotou uaorai e, kua mate mou i te kino ra, kua ora ra i te Atua, i to tatou Atu ia Iesu Mesia.

E AKAPEEA oki tatou nei? ka tamou rai tatou i te rave i te ara, kia maata mai te aroa? Auraka rava ïa. Ko tatou oki ko tei mate i te ara, eaa oki tatou e ora uaʼi i te reira?

Kare kotou i kite e, ko ta kotou e oronga ia kotou io ei tavini ei akarongo atu iaia, e tavini ïa kotou nona no ta kotou e akarongo ra; no te kino ra e mate atu, no te reira ïa, e no te akono e rauka atu ei te tuatua-tika ra, no te reira ïa?

Kia akameitakiia ra te Atua, i te mea, ko kotou te tavini no te kino na, e kua akarongo ma te ngakau katoa i te tutu tuatua i tukuia atu kia kotou na. E kua matara kotou i te kino, kua riro io nei ra kotou ei tavini no te tuatua-tika.