Popular Bible Verses from Maseli 3

Share

E irinaki kia Iehova ma to ngakau katoa ra; auraka ra e irinaki ki toou uaorai kite. Auraka e akangaropoina iaia i toou katoa ra au aerenga; e nana e akakite kia koe i toou ra au arataa.

Auraka koe kia pakari i toou uaorai manako: ko Iehova ra taau e mataku, ka akaruke ei i te kino.

E akangateitei atu ia Iehova i taau ra au apinga, e te mataiā o taau katoa ra apinga kia tupu: Ka ki rava te au are vairanga apinga oou ra i reira, e ki oki taau au āriki i te wina ou e maringi ua atu.

Auraka rava te aroa e te tuatua-mou e taka ke ia koe ra: e ri piri tikai ki runga i to kaki na; e tata oki i te reira ki runga i te papa o toou ngakau

Auraka koe e akavaavaa, e taku tamaiti, i te ako a Iehova, auraka oki e noongata i tana pāpā anga mai. Ko tei akaperepereia e Iehova ra, ko tana ïa e pāpā mai; mei te metua i te tamaiti, tana i akaperepere ra.

E TAKU tamaiti, auraka e akangaropoina i taku nei ture; e kia akono marie toou ngakau i taku nei au akauenga: E au rā roa oki, e te au mataiti ora, e te au, ta te reira e kapiti katoa mai kia koe ra.

E ao to te tangata i kitea iaia te pakari, e te tangata i rauka iaia te kite ra: Ko te apinga oki i oko naʼi aia ra, e meitaki maata ïa i to te ario; e kia maata oki aia ra, e meitaki maata ïa i to te auro meitaki ra. E meitaki maata tona i to te poe: e te au mea katoa i inangaroia e koe ra, kare rava ïa e aite kiaia.

Auraka koe e tāpu i te meitaki i te tangata e tau iaia ra, e tei to rima rai taua meitaki ra kia o atu.

Kua akamou i Iehova i te tumu o te enua nei i te pakari; kua akatinamou aia i te au rangi i te kite.