Popular Bible Verses from Mataio 13

Share

Kareka tei topa ki roto i te ngai one meitaki ra; koia te tangata e akarongo, e kite akera, e ua maira tana, taki tai anere, taki ono ngauru, e taki toru ngauru i te ua okotai.

Ko tei topa ki roto i te ngangaere ra, koia te tangata i akarongo i te tuatua; pokia atura te tuatua i te anoano maata i to teianei ao, e te pikikaa o te apinga, e kare atura i ua mai.

Kia akarongo tetai i te tuatua o te basileia nei, e kare i kite, te aere maira taua vaerua kino ra, e rave atu i tei ruruia ki roto i tona ngakau: e tau teia i te ua i topa ki te pae arataa.

Tei topa ki te ngai paikea ra, koia tei āriki i te tuatua ma te rekareka kia akarongo; Kare ra i akaia i roto iaia, e tāpu anga poto ua tana; kia rokoia oki e te tumatetenga, e kia takinga-kinoia, i taua tuatua ra, maitu atura ïa aia i reira ra.

E arite oki te basileia o te ao ki te apinga i ngaro ki roto i te kainga; e kitea iora e tetai tangata, kua uuna rava atura aia, e no te rekareka i te reira, kua oko aere aia i te apinga tini ravarai nana ra, e kua oko atura i taua kainga ra.

Topa iora tetai pae ki te ngai one meitaki, tupu akera, uua iora, taki tai anere i te ua okotai, taki ono ngauru, taki toru ngauru.

Vaio ua na, kia tupu kapipiti, e kia mou; e kia tae ki te tuatau mou ra, naku ïa e karanga atu ki te aronga e kokoti, E na mua i te akaputuputu i te zizania, e ruru aere no te ai; akaputu ra i te sitona ki roto i taku are vairanga ra.