Popular Bible Verses from Genese 50

Share

Ko ta kotou i akakoro ei kino noku, ko ta te Atua ïa i akakoro ei meitaki, kia tupu iaia ta tatou e kite nei, koia te tangata katoa nei e manganui i te ora anga i teianei rā.

Kua tuatua mairā Iosepha kia ratou, Auraka e mataku: tei iaku ainei ta te Atua?

E teianei, auraka e mataku: naku kotou e angai, e ta kotou au tamariki. Pera atura aia i te akamaru anga ia ratou, e kua akapumaana atu ia ratou.

E karanga atu kotou kia Iosepha, E akakore mai koe, i tenana, i te apa a to ai tuakana nei, e to ratou kino; kua takinga-kino oki ratou ia koe: e teianei, teia ta matou tuatua kia koe, e akakore mai koe i te ara a te au tavini o te Atua o toou metua tane ra. E kua aue iorā Iosepha i ta ratou pera anga mai kiaia ra.

Kua karanga aturā Iosepha ki te au taeake nona ra, Teia au ka mate; e ka atoro mairai te Atua ia kotou, e nana kotou e arataki atu mei ko nei atu ki runga roa te enua i tana i taputou mai e, no Aberahama, e no Isaaka, e no Iakoba.

Kua akataputou aturā Iosepha i te au tamariki a Iseraela, na ko atura, E atoro mairai te Atua ia kotou, e na kotou e apai katoa i toku nei ivi ki runga mei ko nei atu.

Mate iorā Iosepha, okotai atura anere okotai ngauru ara te mataiti; e kua miri iora ratou iaia, e kua tuku atura ki roto i te pia i Aiphiti.