Popular Bible Verses from Galatia 5

Share

Kareka ta te Vaerua e akatupu, ko te inangaro ïa, te rekareka, te au, te akakoromaki, te takinga-meitaki, te meitaki, te pikikaa kore, Te maru, te akono meitaki; kare ua e ture e akakore i te reira.

Teia oki taku tuatua, E akono i ta te Vaerua ra, e auraka e akatupu i to te kopapa ra inangaro.

E te ora nei tatou i te Vaerua ra, e aru tatou i ta te Vaerua ra.

Ko ratou oki ko to te Mesia ra, kua akasatauro ïa i te kopapa ma tona manako e te inangaro tika kore katoa ra.

E teianei, te au angaanga a te kopapa, kua kitea meitakiia ïa; koia oki te moeaana, te akaturi, te tuatua viivii ra, e te kanga, Te akamori idolo, te purepure, te makitakita, te tamaki, te akarere, te riri, te karo, te pae ke, te tuatua tarevake, Te vareae, te ta tangata, te konā kava, te kariei, e mei te reira te tu; te akakite atea atu nei au kia kotou i teianei, taku rai oki i akakite i muatangana ra, ko te aronga e rave i te reira au peu, kare ratou e noo i te basileia o te Atua.

I kapikiia oki kotou, e te au taeake, kia rauka te rangatira; auraka ra taua rangatira ra ei akatupu i ta te kopapa nei, ei kauraro aroa ra to kotou tetai ki tetai.

Te inangaro o te kopapa nei, kare ïa e tau i to te Vaerua; e to te Vaerua, kare ïa e tau i to te kopapa nei; kare raua i tau: i kore ei i tika ia kotou kia rave i ta kotou i anoano ra.

Kua tika rava oki te ture i te reo okotai nei, ko teia; “E aroa atu koe i to tangata tupu mei te aroa ia koe uaorai.”

Eiaa tatou e akateitei puapinga kore ua, i te akaongoongo anga tetai ki tetai, e te vareae anga tetai ki tetai.

E TENANA, e tamou tikai kotou i te rangatira ta te Mesia i akarangatira mai ia tatou nei, e auraka e ii akaou i te zugo tuikaa ra.