Popular Bible Verses from Exodo 7

Share

I REIRA ta Iehova tuatua anga mai kia Mose, i na, kua akariro au ia koe ei Atua kia Pharao ra; e toou tuakana ra ko Aarona ei peroveta ïa naau.

E akaketaketa ra au i te ngakau o Pharao, e ka akamata au i taku au akairo, e taku ra au ravenga tu ke i taua enua ra i Aiphiti. Kare oki a Pharao e akarongo mai kia korua, kia akatika ra au i toku rima ki rungao ia Aiphiti, e kia arataki mai au i toku au nuku, toku iti-tangata, te tamariki a Iseraela ra, mei roto mai i taua enua ra i Aiphiti, ma te tutaki maata.

E ka kite to Aiphiti e, ko au ko Iehova, kia akatika atu au i toku rima ki rungao ia Aiphiti, e kia arataki mai au i te tamariki a Iseraela mei roto mai ia ratou ra.

Kua akaputuputu maira oki a Pharao i te au tangata pakari, e te aronga purepure: e mei te reira katoa ta te au purepure o Aiphiti i rave i ta ratou ra purepure. Kua titiri anake oki ratou i ta ratou katoa ra au rakau ki raro, e riro atura te reira ei ovi anake: kareka te rakau a Aarona, apuku atura ïa i taua au rakau na ratou ra.

Te na ko mairā Iehova, Teia te mea e kite ei koe e, ko Iehova au; i na, e ta au i te vai i te kauvai nei ki te rakau i toku rima nei, e ka riro taua vai nei ei toto

Kia tuatua mai a Pharao kia korua, kia na ko mai e, E akakite mai ana i tetai akairo: ei reira koe e tuatua ake ei kia Aarona e, Ka rave i te rakau naau, ka titiri ki raro ki mua i te aroaro a Pharao, e ka riro atura ïa ei ovi. E aere aturā Mose raua ko Aarona ki roto kia Pharao ra, e kua pera oki raua i ta Iehova i akaue maira: kuā titiri atura oki a Aarona i tana rakau ra ki raro, ki mua i te aroaro o Pharao, e ki mua i te aroaro o tona ra au tavini, e riro atura ïa ei ovi.