Popular Bible Verses from Exodo 32

Share

E KITE akera te au tangata e, kua tavare a Mose, kare rai i aere mai ki raro mei runga mai i taua maunga ra, kua uipa maira taua au tangata kia Aarona ra, kua tuatua maira kiaia, Ka tu, ka rapa i tetai atua no tatou, ei na mua ia tatou nei; kareka taua Mose nei, ko te tangata i arataki mai ia tatou mei te enua maira mei Aiphiti, kare tatou i kite i tona aerenga.

Kua tuatua mairā Iehova kia Mose, Ka aere, ka eke koe ki raro; kua kino oki toou au tangata, taau i arataki mai mei te enua maira mei Aiphiti: Kua akaruke vave io nei ratou i te arataa taku i akaue ia ratou: kua anga ratou i te punua puakatoro akato no ratou, e kua akamori atu i te reira; e kua apai ratou i te atinga ki te reira, e kua tuatua e, Teia toou atua, e Iseraela, ko tei arataki mai ia koe mei te enua maira mei Aiphiti.

E kia akara akerā Aarona i te reira ra, kua akatu iora aia i tetai atarau ki mua i taua panua puakatoro ra; e kua akakite aturā Aarona i te tuatua, na ko atura, E rā oroa apopo no Iehova. E ao akera, kua tu akera ratou i te popongi, e kua apai i te atinga karakaratio, e kua apai mai te atinga au; e kua noo te au tangata ki raro e kai e e inu oki, e kua tu akera ki runga e ura.

E popongi akera, kua karanga aturā Mose ki te tangata, E ara maata ta kotou i rave io nei: e teianei e aere au ki runga kia Iehova ra; peneiake ko te tapokiia ta kotou au ara iaku.