Popular Bible Verses from Exodo 23

Share

Ko to kotou Atura ra ko Iehova ta kotou e akamori, kia akameitaki mai aia i taau kai, e taau vai; e kia apai ke atu i te maki i roto ia koe na. Kare rava tetai mea e maemo ua tona anaunga, e kare oki e riro ei akatoa, i toou na enua: e tika roa oki toou au rā iaku.

I na, te tono nei au i tetai Angela i mua ia koe, e tiaki ia koe i te arataa ra, ei arataki oki ia koe i te ngai i akonoia e au ra.

Kia tikai tikai ra ia koe i te akarongo i tona reo, e i te rave i te au mea katoa taku e karanga atu kia koe na; ei enemi ïa au no toou au enemi, e ei ekai oki au i tei ekai mai ia koe i reira.

Auraka koe e aru i te urupu tangata i te kino; auraka oki koe e aru i te maata i te akava anga, ka akaruke ei i te tuatua-tau ra. Auraka oki koe e akatika ē ua i te tangata rikiriki i tana tuatua.

AURAKA koe e apai aere i te rongo taeke ua; auraka katoa e kapiti atu i to rima ki to te tangata kino ei kite pikikaa.