Popular Bible Verses from Exodo 20

Share

Ko au toou Atua ra ko Iehova, ko tei arataki mai ia koe mei te enua maira mei Aiphiti, mei te ngutuare i tavini ei ra. Auraka rava toou ei atua ke atu iaku nei.

Auraka rava koe e rapa i te idolo akatikitikiia noou, e te tu no tetai mea i runga i te rangi ra, e no tetai mea i raro i te enua nei, e no tetai mea o te moana i raro ake i te enua ra: Auraka rava koe e tupou ki raro ia ratou, auraka oki e akamori atu ia ratou; e Atua vareae oki au ko te Atua noou nei ko Iehova, i te tutaki anga i te ara a te aronga metua ki runga i te tamariki, e tae ua atu ki te toru e te a o te uki, kia kore ratou e inangaro mai iaku ra

E akangateitei atu i to metua tane, e to metua vaine: kia akaroaia toou puke rā i te enua ta toou Atua ta Iehova e oronga noou na.

E akamaara i te rā sabati, kia akatapuia.

Auraka koe e akaiki puapinga kore ua i te ingoa o to Atua ra ko Iehova; kare oki a Iehova e akatika iaia i tei akaiki puapinga kore ua i tona ra ingoa.

E tika ia koe kia angaanga, e kia rave i taau au angaanga katoa i nga rā e ono ra. Kareka te rā itu ra ko te sabati ïa no to Atua ra no Iehova; auraka rava koe e rave i te angaanga i te reira rā; ko koe e taau tamaiti, e taau tamaine, e toou tavini tane, e toou tavini vaine, e taau au puaka ra, e to tangata ke katoa i ou ra

Auraka rava koe e morimori i te are o to tangata tupu, auraka katoa koe e morimori i te vaine a to tangata tupu, e tona tavini tane, e tona tavini vaine, e tana puakatoro e tana asini, auraka katoa i te au mea ravarai a to tangata tupu ra.

Auraka rava koe kia riro ei kite pikikaa i to tangata tupu na.

Auraka rava koe e akaturi.

Auraka rava koe e ta ua.

Auraka rava koe e keia.