Popular Bible Verses from Exodo 2

Share

E kua akarongo maira te Atua i to ratou aue anga; e kua maara te Atua i tana koreromotu ia Aberahama, ia Isaaka, e ia Iakoba. E akara maira te Atua i te tamariki a Iseraela; e kua kite maira te Atua ia ratou.

E roa akera, mate iora taua ariki no Aiphiti ra; te ngunguru ua ra te tamariki a Iseraela i ta ratou angaanga maata; e kua aue oki ratou, e kua tae roa ki te Atua to ratou aue i ta ratou angaanga i te maata.

Tupu atura taua tamaiti ra, e kua apai maira aia iaia ki te tamaine a Pharao, riro maira aia ei tamaiti nana; tapa atura aia i tona ingoa ko Mose; kua tuatua akera oki aia, Naku aia i rave mai no raro i te vai.

Kua karanga atura te tamaine a Pharao kiaia, E apai koe e ikiiki i teianei tamaiti naku, e naku e o atu i taau tutaki. Kua apai atura taua vaine ra i taua tamaiti ra, kua ikiiki atura.

Kua aere maira te tamaine a Pharao e paî i taua vai ra; e te aere ua ra te ui vaine nona ra na te pae o te vai; e kite akera ra aia i taua inaki ra ki roto i te ngangaere, kua tono atura i tona tavini vaine e tiki.

Tei te reira au rā, kia pakari a Mose ra, i aere ei aia ki tona ai taeake ra, e kite atura i ta ratou apainga teiaa: e i akara atura aia i tetai tangata Aiphiti, te ta ra i tetai i tona au taeake, e ngati Ebera. Kua matatua ua iora aia i tetai pae e i tetai pae, e kare rava akera e tangata i kitea e ia, kua ta iora aia i taua tangata Aiphiti ra, e kua uuna iora ki raro i te one.