Popular Bible Verses from Exodo 15

Share

Kua tuatua maira, Kia akarongo tikai koe i te reo o to Atua ra ko Iehova, e kia rave i te mea e tika iaia ra, e kia akarongo i tana au akauenga, e kia akono i tana ra au akonoanga katoa, kare roa au e tuku ua atu i tetai i taua au maki ra ki runga ia koe, taku i tuku i rungao i to Aiphiti ra; ko Iehova oki au, ko toku ïa rapakau.

Ko Iehova toku maroiroi, e toku peʼe anga, e kua riro aia ei ora noku: koia toku Atua e koia taku e akapaapaa; ko to toku metua ïa Atua, e koia taku e akateitei.

Koai to te au atua e arite kia koe, e Iehova? koai tei arite kia koe, ko tei kakā i te tapu ra, e te mataku roaia kia akameitakiia ra, e te rave i te mea taka ke ra?

E arataki rai koe i te au tangata nei ma to takinga meitaki, i tei akaoraia e koe ra; e arataki rai koe ia ratou ki toou ra nooanga tapu i to ririnui.

Tae akera oki ratou ki Mara; kare akera i tika ia ratou kia inu i to Mara vai, no te mea te maramara ra; i tapaiaʼi tona ingoa ra ia Mara. Kua urutoe iora taua au tangata ra ia Mose, kua tuatua akera, Eaa ra ta matou ka inu? Kua aue iora aia kia Iehova; e kua akakite mairā Iehova kiaia i tetai rakau, e kia titiriia e ia te reira ki raro i te vai, mangaro atura taua vai ra. I ko nei tana tuku anga mai i te peu e te akonoanga na ratou, e i ko nei tana timata anga ia ratou.