Popular Bible Verses from Exodo 10

Share

KUA tuatua maira a Iehova kia Mose, Ka aere ki roto kia Pharao ra: kua akaketaketa oki au i tona ngakau, e te ngakau o tona au tavini, kia akakite atu au i taua au akairo naku nei ki rotopu ia ratou: E kia akakite oki koe ki nga taringa o taau tamaiti, e te tamaiti a taau ra tamaiti, i taku i rave i to Aiphiti, i taku au akairo taku i rave i rotopu ia ratou; kia kite oki kotou e, ko au ko Iehova

Kua tuatua mairā Iehova kia Mose, Ka akatika ana i toou rima ki runga i te rangi, kia akapoiriia ki rungao i te enua nei ko Aiphiti, ei poiri e tika kia aa ra. Kua akatika akerā Mose i tona rima ki runga i te rangi; e poiri pangopango iora, e pini ua ake te enua ra ko Aiphiti, e po toru akera: Kare ratou i kite kia akara ki tetai ki tetai; kare oki tetai i tu ua ki runga i taua ngai tana i noo ra, e ope akera nga rā e toru ra; kareka te au tamariki ravarai a Iseraela, e mārama ïa to ratou i to ratou au nooanga.

Kua akatika akerā Mose i tana rakau ki rungao i taua enua ra i Aiphiti, e kua akaarara mairā Iehova i te maoake ki rungao i taua enua ra e po atura taua rā ra, e ao akera taua po ra; e tei te ao anga ra, ko te tāpaki maira i taua maoake ra. Pini takakaiia atua te enua ra ko Aiphiti ra ki te tāpaki, e to iora ia i te au tapere roarai i Aiphiti ra; e mea maata roa: kare ia tāpaki mei muatangana mai, e kare rai oki a muri atu.