Popular Bible Verses from Koheleta 8

Share

Kua akameitaki atura au i te rekareka; kare oki o te tangata nei meitaki i raro ake i te rā nei, mari ra kia kai, e kia inu, ka rekarekaʼi: ko tei vaooia mai ïa nana i tana ra rave anga angaanga, koi vai ake ona puke rā i te ora anga nei, ta te Atua i oronga mai nona i raro ake i te rā nei.

Rave ua rai te rave ara e ka anere ua atu i te rave anga, e roa ua atu rai ona puke rā; kua kite ra au e meitaki to te aronga i mataku i te Atua, tei mataku ki mua i tona aroaro

Te vai ra oki te tuatau e tau ei te au mea katoa i akakoroia ra; e mate maata ra to te tangata i reira

Kare o te tangata nei mana ki runga i te vaerua kia tāpu i taua vaerua ra; kare oki e mana i te rā e mate ei ra: kare rava e oroanga i te reira tamaki; kare oki te aronga rave ara ra e ora ï te reira.

No te mea kare te utunga no te tuatua kino ra i tuku vaveia atu, i māro ketaketaʼi te ngakau o te tamariki a te tangata nei i te rave i te kino ra.

Teia katoa tetai mea puapinga kore i raveia i te ao nei: te vai nei te aronga tuatua-tika, i rokoia mai i tei tau i te angaanga a te aronga kino ra; e te aronga kino, i rokoia mai i tei tau i te angaanga a te aronga tuatua-tika ra: kua na ko iora au, E puapinga kore katoa ïa.

Koia kare i kite i te au mea e tupu ra: e tika oki iaai kia akakite atu iaia i te au mea te ka tupu ra?