Popular Bible Verses from Koheleta 12

Share

E akarongo ana tatou i te akaotianga o taua au tuatua katoa nei; Ko te Atua te mataku atu, e akono oki i tana akaueanga: ko ta te tangata katoa ïa e pini ua ake.

E apai oki te Atua i te au tuatua katoatoa ki te akavaanga, e te au mea ngaro katoa ra, te au mea meitaki, e te kino katoa ra.

E TENANA e akamanako i Tei anga ia koe i to ou anga ra, kare i tae ki te rā kino ra, e kare i tae ki te au mataiti, e karangaʼi koe ra e, Kare rava oku e mataora anga: E kare rai te rā e te mārama, e te marama, o te au etu, i poiri, e kare rai i oki te au tumurangi i te ua i mao ra

E kare rai te taura ario i tuku paruparuia, e kare te kapu auro i ngaa, e kare te ue i ngaa i te punavai ra, e kare te porotata i ngaa i te āriki. Ei reira te one-pueu e oki ei ki raro i te enua no reira aia ra, e oki ra te vaerua ki te Atua i oronga maira.

Te tuatua nei te Orometua, E mea puapinga kore maata teia; e mea puapinga kore te au mea katoa nei.