Popular Bible Verses from 2 Korinetia 5

Share

Tei roto anake te tangata i te Mesia ra, kua riro ïa ei tangata ou: kua kore te au mea taito ra; i na, kua riro te au mea ravarai ei mea ou.

Kua akariro oki aia i tei kore i kite i te ara ra, ei tarangaara na tatou: kia akariroia tatou ei aronga tuatua-tika i te Atua iaia ra.

(E aerenga akarongo oki to matou, kare i te aerenga kite mata.)

Na te Atua ra taua au mea katoa, ra, ko tei akaongi ia tatou iaia uaorai ia Iesu Mesia nei, e kua tuku mai oki ia matou i te taoonga akaongi nei. Teia oki taua tuatua nei, ei roto te Atua i te Mesia i te akaongi anga i to teianei ao iaia uaorai, i te uri kore anga atu i ta ratou ara ia ratou; e kua tuku mai oki te tuatua akaongi ra ia matou nei.

E teianei e karere matou na te Mesia, mei te mea e te ako nei te Atua i te tangata ia matou nei; ei tuā matou no te Mesia, i te ako anga atu i te tangata e, e akaongi kotou i te Atua.

E i mate oki aia no te tangata ravarai, kia kore te aronga e ora ra e akono akaou ia ratou uaorai i te ora anga nei, kia akono ra iaia i tei mate e tei tu akaou no ratou ra. E teianei kare atura matou e akono ua atu i te tangata i te akonoanga o te kopapa nei: e kua akono matou i te Mesia i te akonoanga o te kopapa ra, teianei ra kare matou e akono akaou iaia i reira.

Te riro nei oki matou i te aroa o te Mesia ra, no te mea te karanga nei matou e, i mate te tangata okotai no te tangata ravarai, e mate to te tangata katoa nei i reira