Popular Bible Verses from 2 Korinetia 1

Share

Kia akameitakiia te Atua, te Metua o to tatou Atu ra o Iesu Mesia, te tumu o te aroa, e ko te Atua nona anake te pumaana; Ko tei akapumaana mai ia matou i to matou au mate katoa nei, kia tika ia matou kia akapumaana i te aronga i rokoia e te mate ra, i te pumaana a te Atua i pumaanaʼi matou uaorai nei.

Mei to matou mate i te Mesia e maata nei, te maata katoa nei to matou pumaana i te Mesia.

E manako mate to matou i roto ia matou uaorai, kia kore matou e irinaki kia matou uaorai, ki te Atua ra, i tei akatu i tei mate ra

Ko te Atua oki te akatinamou ia matou e ia kotou katoa i roto i te Mesia ra, i ko tei akamainu oki ia tatou nei: Koia oki tei akairo mai ia tatou, e kua oronga mai i te ou ra i te Vaerua i roto i to tatou ngakau.

E kia mate matou nei, ei pumaana ïa e ei ora no kotou, ko tei tupu i te akakoromaki marie anga i taua au mate, i mate katoaʼi matou nei; e kia akapumaanaia mai matou, ei pumaana ïa e ei ora no kotou.