Popular Bible Verses from 1 Korinetia 3

Share

Kare kotou i kite e, ko te nao kotou o te Atua, e te noo ra te Vaerua o te Atua ki roto ia kotou na?

Kare atu oki e pange ke e tika i te tangata ravarai kia akamou, mari ra ko tei akamouia ra, koia oki te Mesia ra ko Iesu.

E teianei, kare a te tanu, kare oki a te tamauu ki te vai; ko te Atua ra ko tei akatupu.

E oa rave angaanga oki matou no te Atua: e koro kotou na te Atua; e are kotou no te Atua.

E akakiteia ta te tangata ravarai ra angaanga; na taua rā ra oki e akakite, e akatakaia ïa oki e te ai; e na te ai e timata i te tu o ta te tangata ravarai ra angaanga.

Te tanu, e te tamauu vai ra, okotai ra ïa: e rave tetai e tetai i tana uaorai tutaki e tau i tana uaorai angaanga.

Auraka rava e tangata e tapikipiki iaia uaorai: te manako ra tetai tangata i roto ia kotou na e, e tangata pakari aia i teianei ao, kia riro aia ei neneva, kia pakari aia.