Popular Bible Verses from 1 Korinetia 13

Share

E akakoromaki anga roa to te aroa, e te takinga-meitaki; kare te aroa e vareae, kare te aroa e akamaata, kare oki e akatietie, Kare e rave i te mea tau kore, kare e kimi i te meitaki nona uaorai, kare e riri vave, kare e manako kino ia etai ke

E tapoki i te au mea katoa, e akarongo i te au mea katoa, e manakonako i te au mea katoa, e akakoromaki i te au mea katoa.

Kare e rekareka i te tuatua-tika kore, e rekareka ra i te tuatua-mou

E teianei, te vai nei te akarongo, te manakonako, e te aroa, e toru ra; ko tei maata ra i taua toru nei, ko te aroa ïa.

Kare ua te aroa e kore; kareka te au totou ra, e kore ïa; kareka te tuatua ke ke ra, e kore ïa; kareka te kite ra, e akakoreia te reira.

TUATUA ua rai au i te au tuatua ravarai a te tangata nei, e ta te au angela katoa ra, e kare oku aroa, kua riro ïa au mei to veo tangi ra, e mei te sumebalo turituri ra.

Tei iaku ua rai te totou, e te kite i te au tuatua ngaro katoa ra, e te au kite katoa; e tei iaku te au akarongo katoa, e tikaʼi iaku kia apai ke i te maunga, e kare oku aroa, kare ua aku e puapinga.

E kia oronga au i taku au apinga ravarai ei angai i te putaua, e kia tuku ua au i taku kopapa kia taʼu naia ki te ai, e kare oku aroa, kare ua atu aku e puapinga.

I taku tamariki anga ra, mei ta te tamariki katoa taku tuatua, mei to te tamariki toku kite, mei to te tamariki toku manako; kia riro ra au ei tangata pakari, tuku ke atura au i te peu a te tamariki.