Popular Bible Verses from 1 Korinetia 11

Share

E kua pera katoa oki i te kapu, kia oti ake tana kai anga, na ko atura, Teianei kapu, ko te koreromotu ou ïa i toku nei toto, e pera katoa kotou kia inu ei manako anga iaku. Kua kai anake kotou i teianei manga, e kua inu i teianei kapu, kua akakite ïa kotou i te matenga o te Atu, e tae ua mai aia ra.

I rauka oki iaku i te Atu taku i tuku katoa atu kia kotou na e, kua rave te Atu ra ko Iesu i te manga i te po i pikikaaia mai ei aia ra: E oti akera iaia te akameitaki, vavaʼi iora, na ko atura, Ka rave mai, ka kai, ko taku kopapa teia, i atiatiia no kotou nei: e pera kotou ei manako anga iaku.

E kimi matatio ra te tangata iaia uaorai, ka kai ei aia i taua manga ra, ka inu ei oki i taua kapu ra. Ko tei kai oki e ko tei inu oki ma te tau kore, kua kai ïa e kua inu i te akaapa nona uaorai, koia kare i akara i te kopapa o te Atu ra.

E teianei, ko te kai i teianei manga, e ko te inu i te kapu a te Atu, ma te tau kore ra, e ara ïa i te kopapa e te toto o te Atu.

E ARU mai kotou iaku mei iaku katoa i aru i te Mesia nei.