Popular Bible Verses from Swivuriso 4

Share

Hlayisa mbilu ya wena ku tlula swilo hinkwaswo, hikuva hi xona xihlovo xa vutomi.

Xiyaxiya laha u kandziyaka kona, kutani riendzo ra wena hinkwaro ri ta va lerinene

U nga tshuki u vulavula swo homboloka, papalata ni marito ya vuxisi.

Xilo xo sungula i vutlhari: Tilavele byona, u tilavela ni ku twisisa, hambiloko swi ku tekela swilo swa wena hinkwaswo.

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa. Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Namarhela vutlhari, byi ta ku hlayisa; byi rhandze, byi ta ku sirhelela.

Hlayisa swiletelo, u nga swi tshiki; swi sirhelele, hikuva hi byona vutomi bya wena.

U nga tshuki u landzelela lavo homboloka, ni mikhuva ya lavo biha, u nga yi tekeleli.

N'wina vana, rhiyani tindleve, mi yingisa swiletelo swa tata wa n'wina, leswaku mi ta tlhariha