Popular Bible Verses from Swivuriso 27

Share

Nsimbhi yi lota nsimbhi, na yena munhu, ú tlharihisa hi van'wana.

U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.

Ku boxiwa timbanga hi loyi a nga munghana, swa antswa, ku ri ni ku ntswontswiwa hi nala wa wena.

Munhu la langutaka embilwini ya yena, wa titiva leswaku hi yena mani, ku fana ni xikandza lexi tivonaka ematini.

A ku ve vanhu van'wana va ku dzunisaka, u nga tidzunisi hi wexe, a ku vule van'wana, ku nga ri wena n'winyi.

Munhu loyi a nga chaviki ku ku tshinya, ú tlula loyi a ku rhandzaka kambe a nga ku tsundzuxi.

Ku va ni nsati wo kariha, swi fana ni ku tshama endlwini yo pfuta ngopfu loko mpfula yi na