Popular Bible Verses from Matewu 13

Share

Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Un'wana ni un'wana la twaka Rito ra Mfumo wa Xikwembu, kambe a nga ri twisisi, swi fana ni loko mbewu yi haxiwile endleleni. Lowo biha a ta, a n'wi tekela leswi haxiweke embilwini ya yena.

Mbewu leyi haxiweke emaribyeni, swi fana ni loko munhu a twile Rito, a hatla a ri amukela hi ku tsaka; kambe a nga na timitsu endzeni ka yena, ú tiyisela nkarhinyana ntsena; kutani loko khombo kumbe ku xaniseka swi humelela hikwalaho ka Rito, a hatla a khunguvanyeka.

“Mfumo wa matilo wu fana ni xuma lexi celeriweke ensin'wini, kungate loko munhu a xi thumbhile, a nga tlhela a xi celela, kutani eku tsakeni ka yena, a ya xavisa swilo swa yena hinkwaswo, a tixavela nsimu yoleyo.

Kasi tin'wana tona ti wela emisaveni leyinene, ti veka tindzhoho, yin'wana yi chela 100, yin'wana 60, yin'wana 30.

Swi tshikeni swi kula swin'we, ku kondza ku fika nkarhi wa ku tshovela; hi kona ndzi nga ta ku eka vatshoveri: Rhangani hi mfava mi tsuvula, mi wu boha hi tinyandza, mi ta wu hisa; kambe maxalana mi ma hlengeleta exitlatini xa mina.’ ”