Popular Bible Verses from Matewu 10

Share

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

Loyi a lavaka ku tihlayisela vutomi bya yena, ú ta lahlekeriwa ha byona; kambe loyi a lahlekeriwaka hi vutomi bya yena hikwalaho ka mina, ú ta byi kuma.

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Naswona loyi a chavaka ku tirhwexa xihambano, a swi n'wi fanelanga ku ndzi landza.

“Un'wana ni un'wana la nga ta ndzi vula emahlweni ka vanhu, na mina ndzi ta n'wi vula emahlweni ka Tata wa mina la nge matilweni. Kambe un'wana ni un'wana la nga ta ndzi landzula emahlweni ka vanhu, na mina ndzi ta n'wi landzula emahlweni ka Tata wa mina la nge matilweni.

Hanyisani lava vabyaka, mi pfuxa vafi, mi basisa vanhlokonho, mi hlongola mademona. Mi nyikiwile ntsena; na n'wina, nyikani ntsena.

Hikokwalaho mi nga chaveni, mi tlula swindzingiri leswo tala hi nkoka.

“Mi nga anakanyi leswaku ndzi tile ku ta veka ku rhula emisaveni; ndzi tile ku ta veka fumu, ku nga ri ku rhula.