Popular Bible Verses from Esaya 9

Share

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Tintanghu hinkwato leti masocha ma nga ya enyimpini ha tona, ni swiambalo hinkwaswo leswi tlhambukeleke hi ngati, swi ta hoxiwa endzilweni swi tshwa.

Vanhu lava rhendzeriweke hi makhombo layo tano, va nga ka va nga baleki. Eminkarhini leyi hundzeke, HOSI Xikwembu xi tsongahatile matiko ya va ka Zebuloni ni va ka Neftali; kambe eminkarhini leyi taka, tiko ra Galeliya leri vamatiko va tshameke eka rona, leri nga ntsungeni wa nambu wa Yordani endleleni leyi yaka elwandle, HOSI Xikwembu xi ta endla leswaku ri dzunisiwa.

We HOSI, u andzisile ntsako wa vona, u wu kurisa, va tsaka emahlweni ka wena va ba minkulungwana, wonge va le ku tshoveleni, kumbe eku avelaneni ka leswi va swi phangheke

hikuva joko leri a va rhwexiwile rona, ni nhonga leyi vaxanisi va vona a va va ba ha yona, wena HOSI u swi tshovelerile kukota loko u tshovile matimba ya Vamidiyani.