Popular Bible Verses from Esaya 54

Share

hikokwalaho, matlhari hinkwawo lama endleriweke ku ku dlaya, a ma nga pfuni nchumu, u ta kaneta ni vanhu hinkwavo lava va ku lumbetaka ehubyeni. Leyi hi yona ndzhaka ya malandza ya mina HOSI, ndzi ta va lwela hi ndlela yoleyo. Ndzi vurisa sweswo, mina HOSI.”

Tintshava ni switsunga swi nga ha suka swi nyamalala, kambe tintswalo ta mina leto tshembeka ti nge suki eka wena; ntwanano wa mina wa ku rhula, ku hava loyi a nga wu herisaka. Ndzi vurisa sweswo, mina HOSI, Xikwembu lexi xi ku twelaka vusiwana.”

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Tlhantlha ntsonga wa wena u wu engetela, wu tlhenguse, wu anama swinene, u nga wu tsongahati, wu kurise, u dzima timhandze ti tiya swinene.

Lava va ku akaka hi vuntshwa, va ta dyondzisiwa hi mina, ndzi ta va nyika minkateko ni ku rhula.

Ndzi ku hlundzukerile nkarhinyana, ndzi ku fularhela, kambe hikwalaho ka rirhandzu ra mina leri nga heriki, mina HOSI mukutsuri wa wena, ndzi ta ku twela vusiwana.

Ndzi hambanile na wena nkarhinyana, kambe ndzi ta tlhela ndzi ku vuyisa, hikuva tintswalo ta mina i tikulu.

“Eka mina, swilo leswi swi fana ni leswi humeleleke enkarhini wa Nowa: Ndzi hlambanyile leswaku ndhambi ya mati yi nge he vi kona emisaveni; kutani na sweswi ndza hlambanya leswaku a ndzi nga ha ku hlundzukeli ndzi ku ba.

Swihondzo swa wena, ndzi ta swi aka hi maribye ya nkoka ya ‘rubi’, ndzi aka ni tinyangwa hi maribye ya ‘berila’, rirhangu hinkwaro ri ta va ra maribye ya nkoka.