Popular Bible Verses from Esaya 45

Share

Ndzi ta ku nyika xuma lexi tumbetiweke, lexi fihliweke swinene, kutani u ta tiva leswaku hi mina HOSI Xikwembu xa Israele, lexi xi ku vitaneke hi vito.

Eka Korexe, HOSI Xikwembu xi ri: “Ndzi ta ku rhangela emahlweni, ndzi mbundzumuxa tintshava; timbanti ta koporo, ndzi ta ti faya, ndzi tshovelela ni tinsimbhi to goga ha tona.

HOSI Xikwembu hi mina ntsena, a ku na un'wana, ehandle ka mina, a ku na xikwembu xin'wana. Ndzi ta ku nyika matimba, hambileswi u nga ndzi tiviki. Kutani ku sukela evuxeni ku ya fika evupeladyambu, vanhu hinkwavo va ta swi tiva leswaku hi mina ntsena ndzi nga HOSI Xikwembu, ku hava un'wana.

Hi mina ndzi tisaka ku vonakala, ndzi vanga ni xinyami, ndzi tisa minkateko, ndzi vanga ni mahlomulo, leswi hinkwaswo swi endliwa hi mina HOSI.

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

HOSI Xikwembu xi vurisa sweswo hi tlhelo ra Korexe, xi ri xi n'wi hlawurile, xi n'wi khoma hi voko, leswaku xi ta n'wi hlurisa matiko, a tekela tihosi matlhari ya tona; xi ta n'wi pfulela timbanti ta miti, leswaku tinyangwa ti tshama ti pfulekile.

Leswi ndzi swi vulaka, swi tiyile, swi nga ka swi nga hundzuluxiwi. Ndzi tibohile hi ku hlambanya, ndzi ku: ‘Vanhu hinkwavo va ta ndzi nkhinsamela, hinkwavo va ta tiboha ku ndzi tirhela.’

Ndzi ku vitanile hi vito ra wena, leswaku u ta pfuna va ka Yakobo malandza ya mina, ndzi vula Vaisraele vahlawuriwa vanga; hambileswi u nga ndzi tiviki, ndzi ku nyikile xivongo lexikulu.