Popular Bible Verses from Esaya 41

Share

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

hikuva mina HOSI Xikwembu xa n'wina, ndzi mi khome hi voko, hi mina ndzi nge: ‘Mi nga chavi, ndzi ta mi pfuna.’ ”

“Hinkwavo lava va mi hlundzukeleke, va ta tsongahatiwa, va khomisiwa tingana; vanhu lava lwaka na n'wina a va nga ha vi kona, va ta hela va ku bì!

Ndzi mi tekile emakun'wini ya misava, ndzi mi vitanile mi ri etindhawini ta le kule, ndzi ku: ‘Mi malandza ya mina, ndzi mi hlawurile, ndzi nga ka ndzi nga mi cukumeti!’

Lava holovaka na n'wina, mi ta va lava, mi va pfumala, lava va mi hlaselaka, a va nga ha vi kona, va ta nyamalala

HOSI Xikwembu xi vurisa sweswo, xi ri: “Hambileswi mi solekeke, mi nga chavi n'wina va ka Yakobo, ndzi vula n'wina Vaisraele! Mina ndzi ta mi pfuna; mukutsuri wa n'wina, hi mina Muhlawuleki wa Israele.

“Loko mi ri n'wina Vaisraele, malandza ya mina, ndzi vula n'wina va ka Yakobo, vatukulu va munghana wa mina Abrahama, ndzi mi hlawurile.

Ndzi ta boxa milambu ya mati eswitsungeni leswi omeke, ndzi boxa ni swihlovo eminkoveni; mananga ndzi ta ma hundzula swidziva, ndzi khulukisa ni swinambyana emakwandzasini.

“Loko swisiwana ni vapfumari va omelwa hi mhaka ya torha, kutani va famba va lava mati va ma pfumala, mina HOSI Xikwembu ndzi ta hlamula swikhongelo swa vona, ndzi nga ka ndzi nga va tshiki, mina Xikwembu xa Israele.

Xana i mani loyi a endleke leswaku swilo swi va hi ndlela leyi, xana? Loyi a vonaka leswaku vanhu va va kona emisaveni minkarhi hinkwayo, hi mina HOSI, loyi a a ri kona eku sunguleni, loyi a nga ta va kona eku heteleleni.

Ndzi ta mirisa mirhi ya kedari emananga, ni minga, ni mirhi ya mirta, ni mitlhwari; laha ku omeke, ndzi ta humesa mirhi ya kipresi, ni minkuhlu, ni miphayini. Loko vanhu va swi vona, va ta tiva leswaku loyi a swi endleke hi mina HOSI, va ta tshama va ri karhi va swi ehleketa, va twisisa leswaku hi mina Muhlawuleki wa Israele loyi a swi tumbuluxeke.”